(Ақын Ақберен Елгезектің  “Көлеңкелер күбірі” өлеңдер кітабы хақында)

Көркем әдебиеттің  берері көп. Тағылымының өзі  қаншама.  Жаныңды жадыратады. Жаңартады. Көркем  сөз өнері  өренді ұрпақты  өнегелікке тәрбиелейді. Тәрбие дегенде  осы орайда  әдемілік, сұлулықты айтып отырмыз. Мінеки, осынау сұлулық атаулысына көркем  әдебиет, оның ішінде көркем  поэзия өз оқырманына нұр себелейді. Шуақ дарытады. Алайда бүгінде  бұндай  ұғымдар тым жұтаң таратқаны да, өкінішке орай, шындық.

Сонымен,  қолға  алған  кітаптың  аты «Көлеңкелер  күбірі».  Авторы – жас ақын  Ақберен  Елгезек. Ең бастысы,  өлең кітабын оқып шыққан соң,  ондағы ақындық  «меннің» өмірмен тікелей байланыста екендігіне  көз жеткіздік. Ақберен өмірді ақындық көркем оймен,  өзіндік өрнекпен өрнектей алады екен. Жай поэзия емес, ой  коллизиясы, сұлулық үйлесімі мол екен. Дәлелге жүгінелік. «Автопортрет» өлеңінде «Қарашықтың  түбінен оқта-текте, оқылады дыбыссыз жыр – иманым» деген қос қатар жолда ақынның  рухы, оның ішкі сырының бір иірімі  айна-қатесіз аңғарылады. Толығырақ…

Ақберен! Егер бүгінде бұл сөз Қазақтың поэзия аспанында айдай жарқыраған  немесе жасындай ойнаған  ақынның есімі болмағанда ғой,  еш екіленбестен-ақ  сол ақынды қазақ жырының   «ақберені»  десек,  бұл сөзге ол туралы айтылар көп сөз, мол мағына сыйып кеткен болар еді. Ал ақынның азан шақырып қойған аты Ақберен болса ше?! «Ақберен ақын Ақберен» десек, тым сөз ойнатып, немесе жаңылтпаштап кеткенге ұқсап қалар едік. Бірақ бұл сөз ойнату да емес, жаңылтпаш та емес, ақиқаты сол. Толығырақ…

/ақын Ақберен Елгезектің шығармашылығы туралы/

Әрбір адамды, дүниеге келген әрбір тіршілік иесін әлдебір көмескі мұң тербейді. Сол мұңның жетегінде жүріп адам әлденені іздейді, өзінің жанының мазасыздығын түрлі жолдармен басуға тырысады, кінәлайды, жақынынан безеді, шалғайға қашады. Ешкіммен және еш жерде жан тыныштығын таппағаннан кейін көп жағдайда баянсыз ғұмырмен бәтуаға келе алмай ана жаққа аттанып кете барады. Толығырақ…

Осы бір ақын жігіттің ныспысы – Ақберен. Дулығалы, дулы есім, асқақ естіледі. Оның топтама өлеңін (6 өлең) бұдан көп бұрын “Қазақ әдебиетінің” “Жас қалам” қосымшасынан (№4 (43) оқығам. Оқығам да қойғам. Оным бекер екен, Жақында, қағаздарымды қопарыстыра келе, жас дарынның сол өлеңдерімен қайта қауыштым. Сол сәт өзім де күзгі тұманды түндей қандай да бір қамырықты күйде болғандығымнан ба екен, әуелі бірден көзіме түсе кеткені “Депрессия” атты бірінші өлең еді. Қайыра оқып шықтым. Бек лыпыған кулгін-жасыл жүзінде қас дұшпанның арам қаны алабөтен ырши безектеген ақ берендей Ақберендік сұмдық өткір күйзеліс! Толығырақ…

Әдебиет атты мұхитқа жыл сайын, бәлкім, күн сайын жаңа тамшылар мөлдіреп келіп құйылады. Олардың бірі алып стихияның тегеурініне шыдас беріп тұра алмай, толқын арасында адасып, көзден таса қалып жатса, бәз біреулері мұхит тұңғиығынан өз орындарын екшеп, мызғымастай бекінеді. Толығырақ…

Ұлы жазушымыз Мұхтар Әуезовше айтқанда, жастар шығармашылығынан «жыл келгендей жаңалық» күтеріміз анық. Әр көктем келген сайын біз дүниеге өзгеше көзбен, алғаш рет көріп тұрғандай таңдана, тамсана қарайтынымызды қайтерсің. Бір қарасаң өзгерген ештеңе жоқ сияқты, сол дала… сол өзен… сол ағаш, сол аспан… Бірақ біз сәуірдің жылы лебі есіп, жер бусанып, ағаш бүр жарған кезде алыс елден сағынып жеткен құстардың әсем үнін алғаш рет естіп тұрғандай әсерге бөленеміз. Тау да, дала да өзгеріп кеткендей таң қаламыз… Әр көктем бізге өзгеше жұмбақ боп көрінеді. Біз айналаның бәрінен ғажайып сыр оқығымыз келеді… Жүрегімізге жыр құйылғандай күй кешеміз… Әр жас дарынның шығармасына үңілген сәтте сәуірдің сырлы пердесін ысырғандай боласың. Толығырақ…

Гетто избраннничества
Вал. Ров.
Пощады не жди.
В этом христианнейшем из миров
Поэты – жиды.

Марина Цветаеваның айтқаны мәңгі ақиқат. Қай заманда, қай қоғамда өмір сүрсе де жақсы ақын жойыттай қудаланады екен. Осы күні көдедей қаптап кеткен көп ток-шоудың бірін көріп отырғанда осындай ойға қалдым. Қаншама жұрт жиналып, тұлғасы, сөз саптасы ешкімге ұқсамайтын талантты жас ақынды тулақша сүйретіп, итша талады. Толығырақ…

Жүрегімнің түбіне терең бойла,

Мен бір жұмбақ адаммын, оны да ойла.

Абай.

Иә, адам баласының жан дүниесі жұмбақ. Шыр етіп жарық дүниеге келгеннен, тірліктегі талқаны таусылып, о дүниеге аттанып кеткенге дейінгі аралықта ол өз бойындағы адамзат баласына тән қасиеті мен қабілетінің қай деңгейде екендігіне көз жеткізе алмай өтеді. Мұны тылсым табиғаттың сыры немесе заңдылығы деп қабылдағаннан басқа амалымыз да жоқ. Толығырақ…

Ақберен Елгезек. «Көлеңкелер күбірі».
Жыр жинағы. «Фолиант» баспасы, 2009 жыл

Ақберен Елгезек жыр жинағын «Көлеңкелер күбірі» деп атапты. Бұл кітап қордаланған қапа-мұңның, рухани аңсардың патшалығы. Япырмау, әлі отызға толмаған жас жігіттің санасын сансыратып, жанын жегідей жеген не?! Автордың кірпияз, ақсүйек тектіліктің киесін биік қойып, асқақ тұтатынын лезде ұғынасыз. Ақбереннің мұңы – өлеңнің өзегінде, Абай айнадай көрген қасіреттің ұшығы шығады: «Сөз өнері – дертпен тең». Ақындық дүниетаным мифтік өгіздің мүйізіне ілінгендей көк әлеммен қоса жаралған. Оның тылсым сырын бір құдай біледі. Жанның қалтарыс түпкірінен туатын шырғалаң дедектете жөнелсе ақын көнеді. Толығырақ…

Талантты жас ақын Ақберен Елгезектің «Көлеңкелер күбірі» атты жыр жинағы Астанадағы «Фолиант» баспасынан кітап болып шықты. Бұл жинаққа ақынның соңғы екі жылда жазған өлеңдері топтастырылған.

Қазақ поэзиясына өз үнімен, өзіндік қолтаңбасымен кеуделеп кірген Ақбереннің ерекшелігі неде? Толығырақ…