Сені біреу ұқса егер…
Аспан ұғар!
Себебі оның сен жайлы дастаны бар.
Сен жұтасың тамшысын ол жыласа,
Сен жыласаң…
Жұбатпас достарың бар…
Мінезің жоқ расында жұртқа ұнар…
Сені біреу ұқса егер…
Бұлттар ұғар!
Бір жылдары бұлттарда бейнең тұнып,
Сәуле болып таңдағы шыққа құлар.
Бір құпия бар қаныңның ағысында,
Бір құпия бар тамырдың қағысында.
Сенің тылсым рухыңның өрнектерін,
Ұқса ұғар тек қана Ғарыш-мұнар!
Сені ұқпас жердегі халық-тұман…
Саған біреу құмартса…
Жарық құмар!
Ішіңдегі миллиондаған әріптер,
Бір күндері кеудеңді жарып шығар…
Сонда сөзің көзіңде жанып тұрар,
Аяғында тұрады-ау қалып сұрақ…
Сен жүгірдің адамға бауырым деп,
Сен кіретін жүректер жабық бірақ…
Мені біреу ұқса егер…
Аспан ұғар!
Мінезім жоқ расында жұртқа ұнар…
Мені біреу ұқса егер…
Бұлттар ұғар.
деп жазса сіз туралы болар ма еді?
“Сен жүгірдің адамға бауырым деп,
Сен кіретін жүректер жабық бірақ…” – қандайауыр, қалай шынайы!
Өз мінез құлқыңды, жандүниеңді толық ақтарыпсын бауырым,табыс тилеймин
Жырынызга гашыкпын!!!! Шабтыныз шаршамасын, Акберен!
Ақын жанын ұғады ақын ғана…
Сәл нәрседен жүрегі зақымданар.
Ойға кетсе оңаша ей адамдар!
Ойын бұзба, тиіспе, жақындама.
Отырсын өз ойымен жалғыз қалып…
Өзегінде өрт өлең андыздалып.
Бір өлеңі бір сәби отырады,
Өзге түгіл өзінен сан қызғанып.
оте керемет
менго мен
Сен жүгірдің адамға бауырым деп,
Сен кіретін жүректер жабық бірақ… әсерлі қатар