Мақпал түнде бақбақ бүрлеп,
Мені есіңе салсын бір.
Сол бақтағы аппақ гүлдер,
Шашып тұрсын тылсым нұр.
Түн сырғыса бұрымыңнан,
Күн нұрына малыншы.
Шегірткенің шырылынан,
Оянып ап, сағыншы.
Бұлбұл әнге салса егер,
Менің жырым деп ұғын.
Мені еске алсаң егер,
Мөлдірейді тұнығым!
Сені біреу жолықтырса,
Сенбе оған, сағым ғой.
Көбелек кеп қонып тұрса,
Менің нәзік жаным ғой…
Біреу үйге енем десе,
Есігіңді құлыпта.
Ал, жүрегің елеңдесе,
Мен тірімін, ұмытпа!
Қадірлі достар!
«Қыс-көктем 2012» кезеңіндегі сайт жаңалықтармен таныстыруға рұқсат етіңіздер!
«Сана ойындары» бөлімінде «Джоконданың жұмбағы» атты мақалам тұр.
«Тергеу» айдарында «Дат» республикалық қоғамдық-саяси апталығына берген сұхбатым жарияланды.
Сұхбатты жүргізген: Ардак Иманбекқызы.
«Лебіздер» бөлімінде Сырдария университетінің профессоры Нұрғали Қадырбаевтың мен туралы жазған мақаласы жарияланды.
«Жаңа өлеңдер айдарында» әдеттегідей сиясы кеппеген өлеңдер тұр.
Сені біреу жолықтырса,
Сенбе оған, сағым ғой.
Көбелек кеп қонып тұрса,
Менің нәзік жаным ғой… тамаша олен.
Біреу үйге енем десе,
Есігіңді құлыпта.
Ал, жүрегің елеңдесе,
Мен тірімін, ұмытпа!
Тамаша өлең!!!