Шашырап жалын жапырағы,
Ғаламның көшер түбінен.
Жұлдызды тұрсам бақылауымен,
Тәңір еңбегін түсінем.
Шыққанда сұп-сұр шығыс жақта,
Қорғасын мүрде Сатурнның.
Қаһарлы түнгі осы шақта,
Тәңір қабағы қатулы.
***
Ақсұр аспан үстімнен төніп,
Ашық орманның құшағы.
Лимон сабағын батпақ көміп,
Қараға сары тұсаулы.
Биіктікте ызғарлы шуыл,
Жалғанды жатыр көмкеріп.
Жастығым өтер елес қуып,
Мұңлы ойлардан өртеніп.
Қадірлі достар!
«Қыс-көктем 2012» кезеңіндегі сайт жаңалықтармен таныстыруға рұқсат етіңіздер!
«Сана ойындары» бөлімінде «Джоконданың жұмбағы» атты мақалам тұр.
«Тергеу» айдарында «Дат» республикалық қоғамдық-саяси апталығына берген сұхбатым жарияланды.
Сұхбатты жүргізген: Ардак Иманбекқызы.
«Лебіздер» бөлімінде Сырдария университетінің профессоры Нұрғали Қадырбаевтың мен туралы жазған мақаласы жарияланды.
«Жаңа өлеңдер айдарында» әдеттегідей сиясы кеппеген өлеңдер тұр.
