Көктің аппақ меңіндей,
Ай қарайды сенімсіз.
Күміс сәуле төгілмей,
Түн күледі көңілсіз.
Бұлттың жалы желкілдеп,
Жасырады Ай көзін.
Түн жылайды еңкілдеп,
Жылатады қай сезім?
Қандай дауыс құмыққан,
Жасырады тыныштық.
Біздің жанды кім ұққан,
Бізге енді кім ыстық?
Қаңтар келді қалтырап,
Жылдың басы қаралы.
Сансыз қыры жалтырап,
Ұлдың жасы жаралы…
Басталып ап іңірден,
Жайылады түн түзге.
Сұрағы көп өмірден,
Жауап берер кім бізге?..
Қадірлі достар!
«Қыс-көктем 2012» кезеңіндегі сайт жаңалықтармен таныстыруға рұқсат етіңіздер!
«Сана ойындары» бөлімінде «Джоконданың жұмбағы» атты мақалам тұр.
«Тергеу» айдарында «Дат» республикалық қоғамдық-саяси апталығына берген сұхбатым жарияланды.
Сұхбатты жүргізген: Ардак Иманбекқызы.
«Лебіздер» бөлімінде Сырдария университетінің профессоры Нұрғали Қадырбаевтың мен туралы жазған мақаласы жарияланды.
«Жаңа өлеңдер айдарында» әдеттегідей сиясы кеппеген өлеңдер тұр.
БІР АЛЛА БІЛЕДІ
өлең жалпы жақсы