Жыла жүрек! Тағы да жалқы, мұңлы,
Естиінші кеудемнен солқылыңды.
Арманымды аяусыз ұрлап кеткен,
Қайтейін-ай қоңыр күз алтыныңды?…
Жыла көңіл! Гүлдей боп дірілдеші…
Қалай, қалай? Тағы да күбірлеші!
Жыла, жыла, тазартшы әлемімді,
Тек менің жанарымнан білінбеші.
Жыла жаным! Шамдайын қалтырашы,
Қандай нұрмен көзімді толтырасың?!
Қандай енді арманға жалғанасың,
Қандай енді жалғанға алданасың?
Жыла көзім! Жасыңды көрсетпеші,
Жасыңды көрсетпеші, ел сөкпесін!
Мен жігітпін, ал, ішім жаралы құс,
Жасаған-ай, құсымды емдеп берші!
Жыла ақын! Ешкімге білдірмеші,
Оқымашы жырыңды, бүлдіресің.
Бар мұңынды кімге енді білдіресің,
Қай үмітке өзіңді сендіресің?
Жыла шайыр! Білдірмей кемсеңдеші,
Мына өмір ғажап де! Көркем деші.
Жыламашы, Құдай-ай, жыламашы,
Көкірегім, Құдай-ай, өртенбеші!..
Жыламашы! Ешкімді кешірмеші,
Сен әлі де Тәңірдің есіндесің!
Жылап ал да, құшақта көлеңкеңді,
Енді соны ең соңғы досым деші…
Керемет олен екен, кайта-кайта окып шыктым.
“Жылап тұрып өтірік те күлеміз” деген, сырға толы жыр шумағы екен,қиындыққа мойымаңыз,”Әурелеген үміттің ала таңы Әйтеуір бір атады, бір атады!”
Жыла жүрек өлеңі өте тамаша жазылған, сізден өтініш психологизмде жазылған өлеңдеріңізді шығарсаңыз,
Өлең тамаша жазылған.
қосыла жылайды жүрегім
Ақын аға керемет өлең! Әдетте мен ” керемет” деген сөзді ерекше жаратылғандарға айтам!
Алла баршаңызға риза болсын!
Өте керемет өлең.
Керемет! Айтарға сөзім жоқ.Тамаша!
Ага олениниз керемет!
Өте әдемі өлең!
нагыз журектин шынайы муны! жаксы керемет
Аға олен тамаша, мен жыласам шынайы жылаймын. біракта Алла жылатпасын барімізді,,,,,,,,,,,,,,,
Ақберен аға, нағыз жантанушы ақынсыз!
Ага,сизге Мукагали казак поэзиясында багындырган алып белести тилеймин!!!!!!!!!
рахмет сізге!!!Аллам сіз сияқты жүрегі жылай білетін ақындардың ғұмырын ұзартсын!